A 2009 File Photo of the then President Gloria Macapagal Arroyo (UNTV News)
MANILA, Philippines — Walang nakitang probable cause ang Office of the Ombudsman upang sampahan ng kaso si dating pangulo at ngayon ay Pampanga Representative Gloria Macapagal Arroyo kaugnay sa P728-million fertilizer fund scam.
Ito ay dahil sa kakulangan umano ng sapat na ebidensya para sa graft charges laban ay Arroyo.
Ang resolusyon ay pinirmahan ni Ombudsman Conchita Carpio Morales noon pang nakaraang Biyernes ngunit ngayong araw lamang ng Huwebes inilibas sa media.
Nauna ng inirekomenda ng Ombudsman na sampahan ng kasong plunder sina dating Agriculture Secretary Luis Lorenzo, at dating Agriculture Undersecretary Jocelyn “Joc-Joc” Bolante kaugnay ng fertilizer fund scam.
Sa naturang kaso, sinasabing inilipat umano ang pondo para sa abono ng mga magsasaka sa presidential election campaign ni ginang Arroyo noong 2004. (Bernard Dadis / Ruth Navales, UNTV News)