FILE PHOTO: Ang dating commander ng Eastern Mindanao Command o EastMinCom ng Armed Forces of the Philippines na si retired Lt. General Rainier Cruz III (PHOTOVILLE International)
MANILA, Philippines — Itinalaga ni Pangulong Benigno Aquino III si retired Lt. General Rainier Cruz III bilang bagong director general ng Bureau of Corrections o BuCor.
Pinalitan ni Cruz si Franklin Jesus Bucayu.
Si Cruz ay nagsilbing commander ng Eastern Mindanao Command mula 2013 hanggang 2014.
Naglingkod din ito bilang assistant division commander ng 10th Infantry Division ng Philippine Army mula 2011 hanggang 2012.
Samantala, itinalaga naman ng pangulo si Attorney Jose Luis Martin Gascon bilang bagong chair ng Commission on Human Rights kapalit ni Etta Rosales.
Na-appoint naman sina Karen Gomez, Gwendolyn Pimentel-Gana at Leah Tanodra-Armamento bilang mga commissioner ng CHR.
Matatapos ang kanilang termino sa May 2022. (NEL MARIBOJOC / UNTV News)