Ang tambalan ni Tabitha Bueno (interpreter) at Jaime Vasquez (composer) para sa awiting Alab ng Puso na tinanghal na ikatlong ASOP Song of the Week para sa buwan ng Enero. (CEDRIC LORENZO / Photoville International)
CALOOCAN CITY, Philippines — “Medyo danceable siya, maganda, tamang-tama sa mga edad natin (laughs)… madali siyang sabayan,” ani ASOP Judge Tina Paners.
“I like the song. I enjoyed it. Funky,” ani Judge Jimmy Antiporda.
“Ito ‘yung mga kantang ayokong-ayoko. Itong kanta na ‘to parang kare-kare, gusto mo pang kumain, ubos na,” pahayag ni Doktor Musiko Mon del Rosario.
Ito ang naging pahayag ng mga hurado sa ikatlong weekly elimination ng A Song of Praise o ASOP Music Festival sa tinanghal na “song of the week” ngayong Linggo na may titulong “Alab ng Puso”.
Napaindak at nakitaan ng potensyal na papatok sa kabataan ang komposisyon ni Jaime Vasquez sina Tina Paner, Jimmy Antiporda at Doktor Musiko Mon del Rosario.
Tinalo nito ang mga komposisyon nina Crisanto Ayuban na “Buhay Sa’Yong Piling” sa interpretasyon ni Mikaela Puzon at Roman Cundanga na “Pagkatakot sa Dios” sa interpretasyon naman ni Harry Santos.
Muling sasalang sa ASOP stage ang “Alab ng Puso” sa susunod na linggo para sa unang monthly finals ng ASOP gayong 2016. (ADJES CARREON / UNTV News)
The post ASOP Year 5 “Song of the Week” na “Alab ng Puso”, patok sa mga kabataan ayon sa mga hurado appeared first on UNTV News.