PhilRem President Salud Bautista (UNTV News)
MANILA, Philippines — Dadaan sa masusing ebalwasyon ng Bangko Sentral ng Pilipinas kung mayroon nga bang nilabag ang PhilRem Service Corporation sa Anti-Money Laundering Act nang tanggapin nito ang mga transaksyon mula sa RCBC Jupiter Branch Manager na si Maia Deguito.
“PhilRem is a covered institution so it has obligations under Anti-Money Laundering law and KYC(Know Your Client policy)… we have to evaluate first whether they followed the regulations,” pahayag ni BSP Deputy Governor Nestor Espinilla.
Ito ay dahil inamin ng kumpanya na dumepende lamang ito sa instruction ni Deguito sa pamamagitan ng tawag sa telepono at hindi na tiniyak ang mga recipient batay sa nakasaad sa “Know Your Client” policy.
“We were all taking our transactions payment order request from the branch manager… it was done through a phone call,” ani PhilRem President Salud Bautista.
Batay sa Anti-Money Laundering Act Section 9a, ang mga institusyong sakop ng AMLA gaya ng PhilRem ay kinakailangang makatiyak at mai-record ang tunay na pagkakakilanlan ng kanilang mga kliyente base sa mga opisyal na dokumento.
Inamin naman ng PhilRem ang pagpalya nito sa obligasyong kilalanin ang mga customer at sa halip ay dumepende lang sa RCBC Jupiter Branch Manager o third party reliance.
“We are sorry that we were not able to do exactly what was (in the law),” anang presidente ng PhilRem.
Ang PhilRem ang remittance company na ka-deal ng RCBC Jupiter Makati Branch sa umano’y 81-million US laundered money.
Ito ang nagconvert sa Philippine peso ng 60 milyong halaga ng dolyar mula sa RCBC Jupiter Branch at bago inilipat sa mga casino.
Dineliver din nito ang halagang 600 million pesos at 18 million dollars sa isang junket operator na si Weikang Xu mula February 9 hanggang February 13.
(ROSALIE COZ / UNTV News)
The post PhilRem na nagconvert sa piso ng milyong halaga ng dolyar na laundered umano sa Pilipinas, maaaring masampahan ng reklamo — BSP appeared first on UNTV News.