Ang 2 Filipino seafarers na nasawi sa paglubog ng Bulk Jupiter. (PHOTO CREDITS: Gear Bulk)

MANILA, Philippines – Kinilala na ng Department of Foreign Affairs (DFA) ang dalawa sa mga nasawing Filipino seafarer sa lumubog na barko sa Vietnam noong Biyernes.

Kabilang sa mga nasawi sina Captain Ronell Acueza Andrin, 45 anyos, at si 3rd Officer Jerome Maquilan Dinoy, 23 anyos, habang nasa pangangalaga naman ngayon ng Vietnam Maritime Search and Rescue Coordinating Center ang chief cook ng barko na nakaligtas.

Kinilala ang survivor na si Angelito Roxas na sa ngayon ay nasa state of shock pa rin dahil sa pangyayari.

Ayon kay DFA Spokesperson Charles Jose, sa kasalukuyan ay inaasikaso na ng pamahalaan ng Vietnam at ng Magsaysay Maritime Corporation ang pagpapauwi sa mga labi ng dalawang nasawing Pilipino gayundin kay Roxas.

“We will be extending consular assistance in the case of 2/ deceased will be providing consular mortuary certificate for the repatriation of the remains,” saad nito.

Bukod sa DFA at sa Magsaysay Maritime Corporation, magbibigay din ng tulong ang iba pang ahensya ng pamahalaan para sa pamilya ng mga nasawi.

Sa ngayon ay patuloy ang isinasagawang search and rescue sa labing anim na nawawalang tripulante ng lumubog na Bulk Jupiter.

Tuloy-tuloy rin ang isinasagawang imbestigasyon ng mga awtoridad upang matukoy ang sanhi ng paglubog ng barko.

Pinag-aaralan na rin ng pamahalaan ang pagpapadala ng tulong sa ginagawang search effort ng Vietnam.

“The Vietnam Navy added three helicopters to the search efforts today and is calling on other countries in the area to help in the search. We are asking Secretary of National Defense if we can extend assistance, tinitingnan ngayon ng SND,” saad ni Presidential Spokesperson Sec. Edwin Lacierda.

Samantala, kinumpirma rin ng DFA na may isang Pilipino na nadamay sa isa pang lumubog na barko sa Scotland.

Patuloy pang inaalam ang pagkakakilanlan ng nasabing Pilipino.

“Naghihintay pa kami ng updates sa embassy natin sa London,” ani DFA Spokesperson Charles Jose. “Pero confirm yun na may kasamang isang Pilipino duon sa lumubog na vessel sa Scotland,” dagdag nito. (Joan Nano / Ruth Navales, UNTV News)

FILE PHOTO: Sec. Joseph Victor “JV” Ejercito (UNTV News)

MANILA, Philippines – Dismayado si Senador JV Ejercito sa ipinatupad na taas-pasahe sa MRT at LRT nitong linggo.

Ayon sa senador, hindi ito makatarungan lalo’t ang mga pasahero ay nakararanas ng sakripisyo tulad ng napakahabang pila, kawalan ng gumaganang elevator at escalator, at tumitigil o nadidiskaril na tren.

Sinabi ni Ejercito na napakasama ng timing nito na itinaon sa pagpasok ng 2015.

Dagdag pa ng senador, wala sanang problema sa dagdag na pamasahe kahit pa maging katulad ito ng presyo ng mass rail transport system sa Singapore na halos 28-pesos kada kilometro.

Ito aniya ay kung ang serbisyo sana ng MRT at LRT ay katulad din ng magandang serbisyo sa Singapore.

Ikinumpara rin ng senador ang Hong Kong MRT na nasa siyam na piso lamang kada kilometro ang pasahe, ngunit maganda ang kalidad ng serbisyo.

Bunsod nito, nakatakdang maghain ng resolusyon si Ejercito sa pagbabalik sesyon ng senado upang dinggin ang nasabing isyu.

Una nang nagpakita ng pagkadismaya si Senador Grace Poe sa naturang price hike dahil sa hindi ito binanggit ng DOTC sa isinagawang MRT hearing ng Senate Public Services Sub-committee on Transportation noong nakalipas na taon. (Bryan De Paz / Ruth Navales, UNTV News)

GRAPHICS: Mga nagpaputok ng baril sa pagsalubong sa 2015 na nasa isang video na kumalat sa social media kamakailan. (PNP)

MANILA, Philippines – Pakakasuhan ng Philippine National Police (PNP) ang mga sibiliyan na nakuhanan ng video na nagpaputok ng baril sa pagsalubong sa bagong taon sa Narvacan, Ilocos Sur.

Ayon kay PNP PIO Chief P/CSupt. Wilben Mayor, kilala na ng Ilocos Sur PNP ang mga nagpaputok ng baril at nakatakdang sampahan ng kasong alarm and scandal.

Kabilang sa mga nakita sa video sina:

Cesar Lutchina Funtanilla
Mark R-Jay Cabana
Jumar Cabreros
Ian Christopher Calixterio
Russel Funtanilla
Philip Andrew Lutchina Funtanilla
Geronimo Gomez

Sinabi pa nito na aalamin din nila kung lisensiyado ang baril na ginamit ng mga kalalakihan, at kung hindi ay posibleng maharap din ang mga ito sa kasong illegal possession of firearms.

“Maraming kaso na pwedeng isampa dito, pwedeng alarm and scandal dahil nagpaputok sila in public place, illegal discharge of firearms at if this firearms is not license ay illegal possession of firearms kung may makuha sa kanilang possession at kung may tinamaan that is reckless imprudence resulting in physical injury or kung may namatay that is homicide,” ani Mayor.

Gayunman, nilinaw ni Mayor na masusing imbestigasyon ang gagawin ng PNP hinggil sa insidente upang malaman kung ang mga ito ang totoong nagpaputok ng baril, habang maghahanap din ng mga saksi ang Ilocos PNP.

“Kailangan ay may authentication, yoy need witnesses to also support the pictures na yan nga ay ginawa ng isang tao because it will not stand in itself pati yung video,” saad pa ni Mayor.

Isang Drew Lutchina ang nag-upload sa Facebook ng nasabing video at iba pang larawang nagpapakita ng mga high powered firearms at maraming balang hawak ang mga nasabing lalake. (Lea Ylagan / Ruth Navales, UNTV News)

“…are they serious? Are these all just media mileage for them? We’ve always stated that we are willing to discuss peace we rather peace than war.” — Presidential Spokesperson Sec. Edwin Lacierda (UNTV News)

MANILA, Philippines – Hindi masisisi ng Malakanyang kung kondenahin ng Office of the Presidential Adviser on the Peace Process ang ginawang pag-atake ng rebeldeng New Peoples Army (NPA) sa Compostela Valley at Camarines Norte sa kabila ng month-long unilateral ceasefire na idineklara ng pamahalaan noong December 19, 2014.

Ayon kay Presidential Spokesman Edwin Lacierda, sa kasalukuyan ay wala pa namang nangyayaring pormal na usapang pangkapayapaan sa pagitan ng pamahalaan at rebeldeng grupo.

“We’re coming from a situation were there are no peace talks, so were status quo right now. I mean there are friends of the process back and forth to see if there are possibility of restarting the peace process.”

Sinabi rin ni Secretary Lacierda na hindi nila alam kung seryoso ang rebeldeng grupo sa negosasyong pangkapayapaan ng pamahalaan dahil sa ginawang pag-atake ng rebeldeng NPA noong Disyembre.

“And now Mr. (Jose Maria) Sison said that we’d like to have a one-one meeting with the President but were the talks yet, how are we… are they serious, are these all just media mileage for them, we’ve always stated that we are willing to discuss peace we rather peace than war,” anang kalihim.

Ngunit tiniyak ng Malakanyang na sa kabila ng nasabing usaping ay magpapatuloy ang pamahalaan sa pagpapatupad ng poverty intervention programs upang matulungan ang mga kababayan nating mahihirap kahit pa sa mga lugar na pinagkukutaan ng mga rebelde. (Nel Maribojoc / Ruth Navales, UNTV News)

FILE PHOTO: Mga guro sa Abellana National High School sa Cebu habang idinaraos ang PCOS operation training bilang bahagi ng preparasyon noong 2013 midterm election. (JULIUS CASTROVERDE / Photoville International)

MANILA, Philippines – Batay sa Comelec en banc Resolution No. 9922, sisimulan na ngayong Marso ang refurbishment o pagsasaayos ng Smartmatic sa 80-libong PCOS machines na gagamitin sa 2016 Presidential Elections.

Ipinasya ng Comelec na i-award sa kumpanyang sa Smartmatic ang pagkumpuni at pagpapalit ng mga sirang bahagi ng PCOS machines na nagkakahalaga ng P1.2 billion.

Ito ay sa kabila ng mga batikos na hindi dapat ibigay o i-extend ang warranty sa Smartmatic.

5-2 ang resulta ng ginanap na botohan, pabor sa Smartmatic.

Kabilang sa limang bumoto pabor para sa warranty extension ng Smartmatic ay sina Comelec Chairman Sixto Brillantes Jr., Commissioners Lucenito Tagle, Elias Yusoph, Christian Robert Lim at Commissioner Al Parreno.

Hindi naman pabor sina Commissioner Luie Guia at Commisioner Arthur Lim.

Unang ginamit ang PCOS machines noong 2010 general elections at 2013 mid-term elections.

Natapos naman ang warranty ng PCOS machines noong December 2013 kaya kinakailangan na umanong sumailalim sa refurbishing o repair ang mga makina bago ang May 2016 presidential elections.

Ayon sa Bids and Awards Committee, hindi masusunod ang timeline ng Comelec kapag nagkaroon pa ng isa pang public bidding.

Ipinaliwanag din ni Brillantes na kailangan na Smartmatic ang magsagawa ng refurbishing sa PCOS machines upang magawa ang mga dapat ihanda bago ang May 2016 presidential polls.

Ayon naman sa Law Department ng Comelec, maaaring mag-extend ang poll body ng warranty sa Smartmatic dahil tanging ang kumpanyang ito ang makapagbibigay ng karampatang serbisyo para sa PCOS machines.

Sisiguruhin umano ng Comelec na maisaayos ang lahat ng pagkukumpuni at pagpapalit ng spare parts upang hindi maantala at maging maayos ang pagdaraos ng 2016 presidential elections. (Aiko Miguel / Ruth Navales, UNTV News)

FILE PHOTO: Mag-amang namamasyal sa Calumpit Bridge sa Bulacan noong January 18, 2014 na nakasuot ng makapal na damit dahil sa lamig na panahon. (KENJI HASEGAWA / Photoville International)

MANILA, Philippines – Lalo pang titindi ang lamig na mararanasan sa Luzon sa mga susunod na araw dahil sa epekto ng northeast monsoon o hanging amihan.

Ayon sa Philippine Atmospheric, Geophysical and Astronomical Services Administration (PAGASA), naitatala ang mas mababang temperatura tuwing madaling araw.

Katulad na lamang noong Enero 2014 na umabot sa 16 degrees celsius ang temperatura sa Metro Manila, habang bumaba naman ng 6 degrees celsius sa Baguio City.

Mararanasan ang pinakamalamig na pahanon mula sa katapusan ng Enero hanggang sa kalagitnaan ng Pebrero.

Subalit mararamdaman pa rin ang cold weather hanggang sa unang linggo ng Marso.

Ipinaliwanag naman ni Alvin Pura, ang Weather Forecaster ng PAGASA kung bakit sobra ang lamig tuwing buwan ng Enero.

Aniya, “sa paghaba ng araw, unti-unti ring matutunaw yung yelo sa Siberia China at pagdaan ng amihan ibinubuga ng amihan yung malamig na hangin mula sa Siberia, China papunta sa’tin kaya nagiging malamig po ang ating northeast monsoon o amihan.”

Samantala, nagpaalala naman ang Department of Health (DOH) sa publiko na mag-ingat sa mga sakit na maaaring makuha sa panahon ng tag-lamig gaya ng lagnat, ubo, sipon at trangkaso.

Ayon kay Dr. Lydon Lee Suy, tagapagsalita ng DOH, dapat magkaroon ng balanced diet, huwag manigarilyo at uminom ng alak.

Mas mainam rin na magsuot ng makakapal na damit ngayong taglamig.

Hinikayat rin nito ang publiko na palakasin ang immune system.

“Dahil sa lamig ng panahon medyo tinatamad tayong gumalaw, kumilos, na nagkakaroon ng kadahilanan para hindi mag-exercise para hindi ituloy na dapat ginagawa at hindi nababantayan yung ating sistema yung ating health. So nakakadagdag din ito sa problema sa pangkalahatang kalusugan natin,” ani Dr. Dr. Lydon Lee Suy. (Grace Casin / Ruth Navales, UNTV News)

Isa sa mga float na sumali sa Rose Parade sa Pasadena, California. (UNTV News)

Pasadena, CA – Tinatayang aabot sa 50-libo katao ang sumaksi at nakisaya sa Tournament of Rose Parade na idinaos sa Pasadena, California kaalinsabay ng pagpasok ng taong 2015.

“It’s great to be here and see these whole thing, so to all Filipinos out there I wish you guys could see these it’s great upclose, all natural stuffs here it’s really great to see everything,” saad ni Joy Fortich.

Ang taunang Rose parade ay isang tradisyon ng mga taga-Southern California mula pa noong taong 1890.

Nilahukan ito ng halos 700-libong mamamayan mula sa iba’t ibang estado ng Amerika, pati na ng ibang bansa gaya ng Japan, Denmark, Hawaii at Mexico.

“There are 935 of us. We’re responsible for putting on the parade from the very beginning when the floats are being decorated. Actually it’s a year-around job but different people have different positions,” pahayag naman ni Robert Grambo, White Suiters Volunteer, Tournament of Roses Association.

Itinuturing rin ang Rose parade na “America’s biggest celebration of New Year”.

Itinanghal ng isang big car company ang 37 floats na gawa sa mga makukulay at iba’t ibang klase ng mga prutas at halaman, pangunahin ang bulaklak na rosas.

Hindi rin pahuhuli ang mga mahuhusay at magagarbong marching band at equestrian units.

“Parade is very nice, & it’s worth it, worth it to go,very nice, lots of flowers, you can see different kinds of flowers from everywhere,” nakangiting pahayag ng Filipino-American na si Shiela Sierra. (Christie Rosacia / Ruth Navales, UNTV News)

(Left-Right) Ang interpreter at composer ng praise song na “Awiting “Sa Pangalan Mo” na sina Philippe Go at Robert Saballa. (FREDERICK ALVIOR / Photoville International)

MANILA, Philippines – Hindi man nanalo sa isang international singing competition franchise ang mang-aawit na si Philippe Go, naipasa naman niya sa panlasa ng mga hurado ang kanyang interpretasyon sa awiting “Sa Pangalan Mo” sa A Song of Praise Music Festival (ASOP), Linggo ng gabi.

Itinuring ng singer na isang biyaya ang pagkasama niya sa naturang programa.

“Actually, mas naka-relieve sa akin and then blessing talaga siya. Salamat sa blessing sa akin noong 2014 at lalo ngayon nagsisimula ang taon sa 2015, napakagandang blessing po nito. So, thank you din sa ASOP family.”

Bago pa man ang araw ng kompetisyon ay excited na ang composer na si Robert Saballa na marinig kay Philippe ang kanyang obra.

ASOP contestants nitong Linggo, January 04, 2014. (MADZ MILANA / Photoville International)

“Na-deliver niya ng maayos. Napanood ko siya eh kay sabi ko magiging maganda ‘yung pagkaka interpret niya dito,” saad ni Robert.

Tinalo ng Sa Pangalan Mo sa unang weekly round ng taong ito ang mga awiting “Tanging Sa’yo” ni Giovannie Locso na inawit ni 2014 Karaoke World Championship Philippine Champion Apple Delleva at “Dakila Ka Magpakailanman” ni John Reuben Roque na inawit naman ni 2014 WCOPA Philippine Representative Angela Aguilar.

Magkakasama naman sa judge’s panel sinaDoctor Musiko Mon Del Rosario, record producer at OPM icon na si Pat Castillo at singer/composer Rannie Raymundo. (Adjes Carreon / Ruth Navales, UNTV News)

ASOP Judges (FREDERICK ALVIOR / Photoville International)

Ang UNTV News and Rescue Team Nueva Ecija sa pagtulong sa isa sa mga biktima ng banggaan ng 3 tricycle sa Cabanatuan City. (UNTV News)

CABANATUAN CITY, Philippines – Nirespondehan ng UNTV News and Rescue Team ang banggaan ng tatlong tricycle sa harapan ng isang gasolinahan sa Brgy. Bantog Norte, Cabanatuan City, pasado alas-7 kagabi, Linggo.

Ayon kay Marcos Villarte, security guard ng gasolinahan, papaliko na sana ang isang delivery tricycle na may kargang mga gulay at bigas sa gasolinahan upang magpa-gasolina nang magkasunod na banggain ng dalawang tricycle na kapwa mabilis ang takbo.

“Yung kolong kolong, nawalan daw ng gas dyan sa gawing Valle Cruz kaya nagtulak na lang sila marami raw silang nagtutulak kasi may nakita pa akong bata, bigla raw silang kumaliwa eh dumarating nga yung kasunod eh siguro nakauyot hindi na nakapagpreno bigla nang nagkalabugan,” salaysay ni Villarte.

Aminado si Jervie Ocampo na nag-overtake siya sa isa pang tricycle kaya nawalan ito ng kontrol sa manibela at mabangga ang delivery tricyle.

Sugatan ang dalawang driver na sina Antonio Banding Jr. at Jervie Ocampo dahil sa aksidente.

Kaagad namang tinulungan ng UNTV News and Rescue Team ang mga biktima.

Matapos malapatan ng pang-unang lunas ang mga biktima ay isinugod ng UNTV News and Rescue Team sa Dr. Paulino J. Garcia Memorial Research and Medical Center ang si Jervie upang masuri ng mga doctor.

Tumanggi namang mgpadala sa ospital si Antonio Banding at hinintay na lamang ang pgdating ng kanyang mga kaanak.

Samantala, wala namang tinamong pinsala ang driver ng delivery tricycle na si Louel Gabriel. (Grace Doctolero / Ruth Navales, UNTV News)

Nov 26, 2014; Dallas, TX, USA; New York Knicks guard J.R. Smith (8) reacts to missing a shot during the overtime against the Dallas Mavericks at the American Airlines Center. Jerome Miron-USA TODAY Sports

(Reuters) – The Cleveland Cavaliers, Oklahoma City Thunder and New York Knicks completed a three-team trade involving six players on Monday, with the injury-hit Cavs (19-16) acquiring guards Iman Shumpert and J.R. Smith from the Knicks.

Cleveland announced they had also received a protected 2015 first-round pick from the Thunder.

In turn, the Cavs sent guard Dion Waiters to the Thunder (17-18), and Lou Amundson and Alex Kirk to the Knicks.

Cleveland also sent a 2019 second-round draft pick to New York.

The Knicks, out of playoff contention at 5-32, also got forward Lance Thomas from Oklahoma City.

Waiters, the fourth pick in the 2012 draft, has averaged 10.5 points for the Cavs this season.

He joins a Thunder team who have moved into playoff contention in the powerful Western Conference since reigning NBA MVP Kevin Durant returned after missing the first 17 games of the season.

“Dion provides another proven scorer that positively impacts our roster and adds depth and flexibility,” Thunder General Manager Sam Presti said in a statement.

Waiters leaves behind a Cleveland team that started the season strongly but have lost five of their last six games.

Brazilian center Anderson Varejao is out for the rest of the season with a torn Achilles, while LeBron James and Kyrie Irving have missed games recently due to niggling injuries.

“With their size and versatility, we think both Iman and J.R. can help our team on both ends of the court,” said Cleveland General Manager David Griffin.

(Reporting by Andrew Both in Cary, North Carolina; Editing by Peter Rutherford)

Si PNP-AIDSOTF Spokesperson at Legal & Investigation Chief P/CInsp. Roque Merdegia habang ipinapakita sa media ang litrato ng nasabat na pinagbabawal na gamot na nakasingit sa loob ng isang water pump. (UNTV News)

MANILA, Philippines – Naniniwala ang Philippine National Police Anti-Illegal Drugs Special Operations Task Force (PNP-AIDSOTF) na malaking sindikato ang nasa likod ng nahuling 40-kilo ng shabu nitong Lunes sa Ninoy Aquino International Airport (NAIA).

Ang 40-kilo ng shabu na nagkakahalaga ng P200-milyon ay sakay ng Cathay Pacific flight CX903, mula Taiwan noon pang December 29, 2014.

Nakumpiska ito ng PNP-AIDSOTF at PDEA sa Pair-Pags Cargo Center matapos na i-claim ng consignee na si Danilo Pineda upang umano’y i-deliver sa isang nagngangalang “Boyet” ng Parañaque.

Ayon kay PNP-AIDSOTF Spokesperson at Legal & Investigation Chief P/CInsp. Roque Merdegia, base sa kanilang imbestigasyon ay pang limang beses nang nag-import ng water pump ang suspek na si Danilo Pineda.

“Nagtataka ka kung bakit nag-iimport ng water pump na paapat-apat lang, palima-lima lang dahil kung talagang ang merkado mo ay madami dapat by bulk o container van, ito apat na piraso lang at nakalagay sa karton na di naman design para don,” anang opisyal.

Sinabi pa ni Merdegia na tuloy-tuloy ang ginagawa nilang pakikipag-ugnayan sa Bureau of Customs para sa mas mahigpit na monitoring at inspeksyon sa mga cargo na madalas na nagagamit ng mga sindikato sa operasyon ng shabu.

Tulad na lamang ng paggamit ng walis, cake, prutas, granite, bolt, stuff toys, tea bag at maging sa lotion at shampoo bottle sa ilegal na operasyon ng droga ng mga sindikato.

“Sa Customs talaga nakikipagugnayan kami para higpitan yung kanilang protocol kasi sa mga cargo medyo hindi mahigpit yung mga padala at balikbayan boxes, mukhang di istrikto sana yun ang tutukan,” saad pa ng opisyal.

Iginiit pa ng AIDSOTF na posibleng dadagsa na naman ang importasyon ng shabu dahil mas mura ito kumpara sa pagma-manufacture nito sa bansa. (Lea Ylagan / Ruth Navales, UNTV News)

BAYAN MUNA Partylist Representatives Carlos Isagani Zarate at Neri Colmenares (UNTV News)

MANILA, Philippines – Dalawa pang petisyon ang inihain sa Korte Suprema ngayong araw ng Martes laban sa ipinatupad na taas-pasahe sa MRT at LRT.

Hinihiling ng grupong BAYAN MUNA, ABAKADA at United Filipino Consumers and Commuters (UFCC) na maglabas ng temporary restraining order (TRO) ang Supreme Court kaugnay sa ipinatupad na fare increase.

Nitong Lunes, dalawang petisyon din ang inihain sa kataas-taasang hukuman na humihiling ng TRO sa taas-pasahe ng mga Mass Rail Transit system sa bansa.

“Unjustified ito, parang gusto uli nilang gawin ang DAP,” pahayag naman ni BAYAN Muna Rep. Neri Colmenares.

“Ang aming argument ay walang jurisdiction ang DOTC sa fare hike,” saad pa nito.

“Hindi ito dumaan sa demokratikong proseso, public hearing. Itinuturing natin ang mga pasilidad na ito na serbisyo at hindi negosyo,” saad naman ni UFCC President RJ Javellana

“We’re also calling on Sec. Abaya’s resignation, di lamang sa usapin ng MRT at LRT,” dagdag pa nito. (UNTV News)

Country music fans drink beer as night falls during the final day of the Stagecoach country music festival in Indio, California April 27, 2014. CREDIT: REUTERS/MIKE BLAKE

(Reuters) - It’s not college students or teenagers but rather middle-aged Americans who are most likely to die from drinking too much alcohol too quickly, according to a study released by the U.S. Centers for Disease Control and Prevention on Tuesday.

An average of six people die each day in the United States from alcohol poisoning or excessively high levels of alcohol in the blood, which is typically caused by binge drinking, the federal study found.

Three out of four of those who died were between the ages of 35 and 64, the study found, countering the popular perception that young people are more likely than their elders to die from binge drinking.

Only 5.1 percent of the deaths were drinkers between the ages of 15 and 24, the study found.

“Contrary to conventional wisdom, there is a lot of binge drinking going on by people who are post college-age,” the study’s co-author, Robert Brewer, told reporters. “We were surprised by these findings.”

The CDC defines binge drinking as consuming four or more drinks for women or five or more drinks for men on a single occasion.

Fewer than a third of the people who died of alcohol poisoning were considered alcoholics, the study found.

Analyzing death certificate data from 2010 through 2012, researchers found that an average of 2,200 people, more than half of them white males, died from alcohol poisoning each year.

State death rates ranged from a low of 5.3 deaths per million residents in Alabama to a high of 46.5 deaths per million residents in Alaska. The regions with the highest death rates were the Great Plains, the West and New England.

“Living in geographically isolated rural areas might increase the likelihood that a person with alcohol poisoning will not be found before death or that timely emergency medical services will not be available,” the researchers wrote.

(Editing by Jonathan Kaminsky and Will Dunham)

Si DILG Secretary Mar Roxas sa pagbibigay nito ng pagpapasalamat at pagmamalaki sa PNP sa pagdalo nito sa New Years call. (UNTV News)

MANILA, Philippines – Kasabay ng New Year’s call ng mga opisyal ng Philippine National Police (PNP) ay nagpahayag ng pasasalamat at pagmamalaki si NAPOLCOM Chairman at DILG Secretary Mar Roxas sa mga tauhan at opisyal ng pambansang pulisya.

Ipinagmalaki ng kalihim ang maayos na pagganap sa tungkulin ng mga ito laban sa krimen sa pamamagitan ng “Oplan Lambat Sibat.”

Ayon kay Roxas, mula sa isang libong krimen na naitatala noon sa National Capital Region kada linggo ay bumaba ito sa kalahati base sa kanilang monitoring simula noong nakalipas na walong linggo.

“Incidents of robbery, theft, carnapping, motorcycle napping mula sa batayan na yan na 1K incidents per week, nitong nakaraang halos 8 linggo including the Christmas season ay nasa 500 na lamang ng bilang ng kriminalidad.”

Iginiit pa nito na nasa 30% na rin ang nahuhuling most wanted person, samantalang 139 na ang kanilang naipakukulong mula sa 440 na pinaghahanap ng batas.

“Malaking kontribusyon ito sa paghahanap ng katarungan ng mga naging biktima nila at sa pag-prevent sa muling paggawa nila ng krimen sa mga darating pang panahon,” saad pa ni Roxas.

Ipinagmalaki din ng kalihim ang ginawang pagtatrabaho ng mga tauhan ng PNP noong panahon ng Bagyong Ruby at Bagyong Seniang.

Nanguna noon ang mga pulis sa pag-rescue at pagtulong sa mga residenteng naapektuhan ng bagyo.

Kaugnay nito, nagpasalamat din si Roxas sa asawa ng mga opisyal na patuloy na umuunawa lalo na sa mga panahong hindi nakakauwi ang mga ito sa kanilang mga tahanan dahil sa pagtupad sa kani-kanilang tungkulin sa bayan. (Lea Ylagan / Ruth Navales, UNTV News)

Google Maps: Vung Tau City, Vietnam

MANILA, Philippines – Dinala na sa Philippine Embassy sa Vung Tau City sa Vietnam ang nag-iisang survivor sa lumubog na cargo ship na Bulk Jupiter.

Ayon sa state-run Vietnam news agency, si Angelito Capindo Rojas, chef ng barko ay nasa maayos na kalagayan.

Sa huling ulat ng maritime rescue forces mula sa Ba Ria-Vung Tau, dalawa pa lamang ang kanilang nare-recover na bangkay at 16 pa ang nawawala.

Ang dalawang bangkay ay dadalhin din sa Philippine Embassy ngayong araw.

Nabatid na ang Bahamas nationality ship na may 19 crew ay lumubog 150 nautical miles sa Vung Tau southeastern coast noong January 2, lulan ang iron ores mula Malaysia na dadalhin sa China. (UNTV News)

Ang bahaging nasusunog sa dating gusali ng CCM o City Colleges of Manila nitong madaling araw ng Miyerkules. (UNTV News)

MANILA, Philippines – Nagtulung-tulong ang iba’t ibang bumbero upang apulahin ang apoy na tumupok sa isang abandonadong gusali sa Escolta Street, Binondo, Maynila, mag-aalas-tres ng madaling araw ng Miyerkules.

Dating City College of Manila ang labing-apat na palapag na gusali at ngayon ay binabantayan na lang ng security personnel ng city government.

Ayon kay Emmerson Narciso, guard on duty, nakakita siya ng usok sa ibabang bahagi ng building.

Aniya, “Nung makita ko lumabas ako nag-motor ako at tumawag ng bumbero.”

Mabilis namang itinaas sa Task Force Bravo ang sunog, nang umakyat na ang apoy sa ika-siyam na palapag ng gusali.

Inalis din ang mga fire truck dahil sa mga bumabagsak na debris ng gusali.

Ayon kay F/SSupt. Anderson Comar, Deputy Director for Operation ng BFP-National Capital Region, iniwasan ng mga pamatay sunog na madamay pa ang katabing establisyimento kaya ginawa nila ang confined fire procedure.

Pinaresponde na rin ang mga fire truck na may mga ladder dahil hindi na kaya ng mga pangkaraniwang fire truck ang mataas na bahagi ng nasusunog na gusali.

Patuloy ang imbestigasyon ng mga awtoridad kung ano at saan nagsimula ang apoy, habang patuloy ring inaalam ang kabuoang halaga ng natupok na ari-arian. (Benedict Galazan / Ruth Navales, UNTV News)

FILE PHOTO: Pag-pa-file ng drivers license sa LTO (UNTV News)

MANILA, Philippines – Kanina lamang ala-8 ng umaga nag-online ang IT provider ng Land Transportation Office (LTO) para sa pag-iisue ng lisensya.

December 29 pa noong nakaraang taon nag-umpisang ma-offline ang serbisyo ng IT provider na nagdulot ng problema sa mga aplikante.

Ang Amalgamated Motors Philippines Incorporated (AMPI) ang IT provider ng LTO para sa mga lisensya.

“Ang nangyari medyo nabulunan, dumami transactions at until now yung mga spillover transaction ay ginagawa pa rin so medyo humaba yung pila,” paliwanag ni LTO Spokesperson Jason Salvador.

Nitong umaga ng Miyerkules, daan-daang mga aplikante ang dismayado dahil hindi man lamang sila nasabihan na itinigil muna ang pagtanggap para sa renewal at aplikasyon ng lisensya, at uunahin muna na asikasuhin ang mga nabinbin na aplikasyon mula ng ma-offline ang AMPI.

“Ang masasabi ko sa serbisyo nila ngayon palpak tlaga, talagang wala kasi dapat kung walang renewal dapat dun pa lang sa may gate sa gwardiya may nagsasabi na o kaya sabihin na walang renewal ngayon kasi may problema ngayon,” reklamo ni Ricky Maglake, aplikante.

Humingi naman ng paumanhin ang AMPI dahil sa aberya at sinabi nito na sisikapin nila na maibalik sa normal ang operasyon sa mga darating na araw.

Inumpisahan naman ng LTO ang bidding nitong Martes para sa bagong card supplier ng lisensya, at inaasahan na bago matapos ang taong 2015 ay bago na rin ang IT provider ng ahensya.

Samantala, maaari nang makuha ang mga bagong plaka para sa mga pampublikong sasakyan simula ngayong Miyerkules.

“Yung may ending na 1, your due month is January. So bayad lang kayo ng P450, give us a 45-day manufacturing period we will deliver you the plates in 45 days,” pahayag ni DOTC Secretary Jun Abaya.

Gaya ng mga private plate, magkakaroon rin ng mga security feature ang mga PUV plate upang hindi ito magamit sa katiwalian.

Sa Hunyo naman ng taong kasalukuyan ay uumpisahan na rin ng LTO na mag-isyu ng bagong plaka para sa mga motorsiklo.

Tiniyak ng DOTC na bago matapos ang taong 2015 ay maiisyuhan na ng bagong plaka ang lahat ng mga pampublikong sasakyan sa bansa. (Mon Jocson / Ruth Navales, UNTV News)

An offshore oil platform is seen in Huntington Beach, California September 28, 2014.
CREDIT: REUTERS/LUCY NICHOLSON

(Reuters) — Brent crude oil prices fell below $50 a barrel for the first time since May 2009 on Wednesday as global business growth slowed to its weakest in a year, and analysts said a growing supply glut meant more falls were likely.

The pace of global business growth eased to its weakest rate in over a year at the end of 2014 as rates of expansion slowed in both the manufacturing and service industries, according to JPMorgan’s Global All-Industry Output Index, produced with Markit.

Benchmark Brent crude futures LCOc1 fell more than a dollar to $49.92 a barrel just before 3. a.m. ET, reaching levels last seen in May 2009, although prices edged back above $50 later. U.S. futures CLc1 were down around 75 cents to under $47.20 a barrel, their lowest since April 2009, after already completing the drop below $50 earlier in the week.

Oil markets had slumped for a fourth straight session on Tuesday as mounting worries about the supply glut pressured crude prices, which have fallen almost 10 percent this week.

“The risks to oil prices remain skewed to the downside in the near term,” ANZ bank said in a note on Wednesday.

“While we expect high-cost shale producers to be the first to cut production, this is unlikely to occur until the middle of 2015,” it added.

Nobuyuki Nakahara, a former oil executive and ex-member of the Bank of Japan’s policy board, told Reuters he also expected further price falls.

“Oil prices are likely to keep falling due to slower Chinese growth and because the years of prices above $100 before the recent plunge were ‘abnormal’ historically,” he said.

“I would not be surprised if the price falls to as low as around $20… It is purely due to supply and demand. There is a ceiling for oil because high energy prices dampen economic growth,” he added.

The low prices are a result of high output clashing with sluggish demand, especially in Europe, which is still struggling with its debt crisis, and in Asia, where China’s growth is slowing and Japan is battling recession.

On the demand side, output from North American shale producers remains high, although drilling is slowing, and producer club OPEC has so far resisted calls to cut production in support of prices.

Instead, it is trying to defend its market share through offering low prices.

(Additional reporting by Yoshifumi Takemoto in Tokyo; Editing by Clarence Fernandez)

FILE PHOT: DOTC Secretary Joseph Emilio “Jun” Aguinaldo Abaya sa pagsakay nito sa MRT noong nakaraang taon upang masubukang personal ang pagbiyahe sa naturang transportasyon. (UNTV News)

MANILA, Philippines – Walang dahilan upang manatili sa pwesto ang mga opisyal ng Departmentof Transportation and Communication (DOTC) kung mapatutunayan ng Senado na hindi makatwiran ang ipinatupad na taas-pasahe sa MRT at LRT.

Ayon kay Senate Majority Floor Leader Alan Peter Cayetano, dapat magpaliwanag si DOTC Secretary Abaya sa lalong madaling panahon at ipakita sa publiko na makatwiran ang MRT at LRT fare hike.

“I said the word resignation in 2 context, context kung mapatunayan na niloloko nila ang tao at di kailangan ng ganung kalaking increase wala tayong choice kundi sabihin na ang tao ay walang kumpiyansa sa kanila.”

Nilinaw naman ni Cayetano na kaibigan nito si Abaya at suportado niya ang ibang repormang ginawa ng kalihim.

Ganito rin ang opinyon ni Senador Nancy Binay. Kung sa palagay umano ni Abaya hindi niya nagampanan ng maayos ang kanyang trabaho ay kailangan na niyang magbitiw sa pwesto.

Inihahanda naman ni Senator JV Ejercito ang resolusyon upang magsagawa ng pagdinig sa MRT at LRT fare hike.

Ihahain ni Ejercito ang resolusyon sa pagbabalik ng sesyon ng senado sa susunod na linggo.

“Magkaroon ng pagdinig para sa pagtaas ng MRT at LRT fare hike ngayong January,” anang senador.

“Dapat ipakita muna ng LRT at MRT na maiayos nila serbisyo nila,” saad pa nito.

Sa kabila ng batikos, nirerespeto naman ng palasyo ng Malakanyang ang pahayag ng ilang senador.

Sinabi ni Presidential Spokesman Edwin Lacierda na tututukan nila ang pagsasaayos ng serbisyo MRT system sa bansa.

“Patuloy po nating iimprove ang serbisyo ng ating MRT system. Ito na pong taon na ito maraming mga renovations, rehab projects ang gagawin natin pagdadagdag ng light rail vehicles, mga bagon.” (Bryan De Paz / Ruth Navales, UNTV News)

(LEFT – RIGHT) Presidential Spokesperson Edwin Lacierda and DOJ Sec. Leila De Lima (UNTV News)

MANILA, Philippines – Patuloy na gumagawa ng hakbang ang Department of Justice (DOJ) upang maresolba ang problema na kinakaharap ng Bureau of Corrections (BuCor) partikular ang New Bilibid Prison (NBP).

“Ongoing pa ang various operations namin in addressing the perennial problems besetting BuCor, particularly NBP, and especially the drug problem ongoing din ang measures on the renovation,” pahayag ni Justice Secretary Leila De Lima.

Ayon sa Malakanyang, napatunayan na epektibo ang mga inspeksyon na ginagawa ng DOJ sa mga piitan sa bansa, subalit kinakailangan pa rin na magpatupad ng isang malawakang reporma sa NBP.

Isa sa malaking problema na nakikita ng Malakanyang na nararapat masolusyunan ay ang sistema at ilang tauhan ng NBP na kumukunsinti sa mga ilegal na gawain ng mga inmate.

“It’s systemic and personnel right, I mean you’ve got people who are being bribe, I mean these things don’t happen without cooperation from those penitentiary officials,” pahayag ni Presidential Spokesperson Sec. Edwin Lacierda.

Samantala, nakahanda naman si Secretary Leila De Lima na harapin ang isinampang human rights violation complaint ng mga kaanak ng mga drug lord na nakitaan ng marangyang pamumuhay sa loob ng NBP.

“Seriously, we are ready to face all lawsuits being filed and to filed by those representing these inmates. Nag-constitute na ng special team yung OSG to handle these cases. I’m standing by my positions and actions in relation to those drug inmates, both as a matter of duty and a matter of principle,” saad pa ni De Lima.

Sa kabila ng naturang isyu, tiwala pa rin ang Malakanyang na maipatutupad ng DOJ ang reporma sa pambansang piitan. (Nel Maribojoc / Ruth Navales, UNTV News)