City Optimized Manage Electric Transport o COMET (UNTV News)
MANILA, Philippines – Posible nang magsimula ang normal na operasyon ng City Optimized Manage Electric Transport o COMET sa susunod na buwan.
Ang COMET ay isang modelo ng electric jeep na sa halip na gumagamit ng gasolina upang mapatakbo ay gumagamit ng kuryente.
Ayon kay Global Electric Transportation-Philippines, Head and Managing Director Anthony Dy, positibo ang feedbacks mula sa mga pasahero ng COMET matapos ang isinagawang test driver sa loob ng halos dalawang linggo.
Naniniwala din ang GET na malaki ang maitutulong nito upang masolusyunan ang lumalalang sitwasyon ng climate change sa Pilipinas bunsod ng makapal na usok na ibinubuga ng mga sasakyan.
Layunin din ng proyektong ito na mapalitan ang mga lumang disenyo ng mga kasalukuyang jeep na ginagamit sa bansa. (UNTV News)