Senator Jinggoy Estrada (UNTV News)
MANILA, Philippines – Inendorso ni Senator Jinggoy Estrada ang mga non-government organization (NGO) na pinamamahalaan ni Janet Lim Napoles ngunit itinangging tumanggap ito ng kickback mula sa naging transaksyon.
Ito ang ipinahayag ng senador sa pagpapatuloy ng bail hearing nito sa Sandiganbayan ngayong Lunes.
Hindi naman itinanggi ni Senator Estrada ang mga endorsement letter na ebidensya ng prosekusyon na nagpapakitang inilagay niya ang kanyang PDAF sa mga NGO ni Napoles.
“I admit may dokumento naman diyan na nagendorso ako ng NGO, iyon lang siguro ang tanging kasalanan ko,” saad ng senador.
Dagdag pa nito, “I was, siguro, I was just careless pero wala akong tinanggap na kickback.”
Una nang itinanggi ng senador na may kaugnayan at nakipagtransaksyon siya kay Janet Lim Napoles at sa korporasyon nito. (UNTV News)