USS Peleliu (UNTV News)
SUBIC, Philippines – Nakaalis na kaninang tanghali ang USS Peleliu sa daungan ng Subic Bay Metropolitan Authority (SBMA) matapos madala sa Maynila si U.S. Marine Private First Class Joseph Scott Pemberton.
Si Pemberton ay inilipad ng isang chopper patungong Camp Aguinaldo nitong umaga ng Miyerkules.
Ang USS Peleliu ay barkong sinasakyan ng nasa dalawang libong U.S. Marines para sa taunang isinasagawang landing exercise sa ating bansa.
Unang umalis sa SBMA ang isa pang barko ng Amerika ang USS Germantown noong nakaraang linggo.
Matatandaang nagtagal ang pananatili ng barko sa Pilipinas bagama’t natapos na ang exercise dahil sa pagkakadawit ng isang U.S. Marine sa pagkakamatay ng transgender na si Jeffrey Laude alyas “Jennifer”. (Joshua Antonio / Ruth Navales, UNTV News)