Ang UNTV News and Rescue Team sa pagresponde sa isang aksidente sa Cloverleaf – Balintawak. (UNTV News)
CALOOCAN CITY, Philippines – Isang lalaking naaksidente sa motorsiklo sa bahagi ng Clover Leaf, Caloocan City ang tinulungan ng UNTV News and Rescue Team nitong madaling araw ng Huwebes.
Nilapatan ng paunang lunas ang sugat sa kaliwang braso ng biktimang si Regan Monsanto, 41 anyos.
Idinaing rin nito ang pananakit ng kaliwang balikat kaya’t agad siyang isinakay sa rescue mobile upang dalhin sa Manila Central University Hospital.
Kwento ng biktima, pauwi na sana siya sa kanilang bahay nang madulas ang gulong ng minamanehong motorsiklo habang palabas ng North Expressway.
akaramdam din umano siya ng pagkahilo kaya nawalan ng balanse dahilan upang matumba ang kanyang motorsiklo.
Dinala na sa Traffic Sector 1 ng Caloocan ang motorsiklo ng biktima. (Benedict Galazan / UNTV News)