Si Nino Alejandro sa pagbibigay buhay sa likhang obra ni Dennis Avenido na “Ang Pagmamahal Mo” na siyang tinanghal na ASOP Song of the Week. (MADZ MILANA / Photoville International)
MANILA, Philippines — Pagkatanggap pa lamang ng study material ng awiting “Ang Pagmamahal Mo” ang singer na si Nino Alejandro para i-interpret nya sa A Song of Praise o ASOP Music Festival 3rd weekly elimination round, nakipag-ugnayan na ito sa composer na si Dennis Avenido sa pag-aayos ng naturang komposisyon.
Pahayag ni Nino, “I just wanted to make sure na kasi may nabanggit nga ni Doc Mon na may mga ibang structures ‘yung ginawa ni Dennis. Sinisigurado ko nga lang na ‘yung mga melodies na ganyan… para maklaro lang, kasi ang gusto ko talaga i-justify ‘yung piyesa na crineate niya and just to make sure that I can do it. Yung pinaka-best na ‘yun nga.”
Napansin naman ng mga huradong sina singer comedian Arnel Ignacio, OPM icon Ivy Violan at Doktor Musiko Mon del Rosario ang maayos na pagkakalikha ng naturang awit.
Kapansin-pansin din ang confidence ni Nino sa pag-interpret ng naturang awit dahil na rin sa karagdagang input niya rito.
“Thank you. (I’m) honoured, honoured sa mga kind words na sinabi nila. I just do my best na to siguraduhin ko na maramdaman ko ‘yung kanta ko. Kasi ako, I have to believe it kung kakantahin ko,” pahayag ni Alejandro.
Tinalo nito ang mga awiting “Balutin Mo ng Pag-Ibig” ni Cesar Salameda na ininterpret ng band vocalist na si Jek Manuel at “God Speaks” ng ASOP 2013 grand finalist na si Paul Hildawa na ininterpret naman nina theater artist Gian Gloria at Viva male belter na si Carl Trazo. (ADJES CARREON / UNTV News)