FILE PHOTO: (Left-Right) Mayor Jejomar Binay, President Benigno Aquino III at DILG Sec. Mar Roxas. (Benhur Arcayan / Malacañang Photo Bureau)
MANILA, Philippines — Nagbitiw na si Vice President Jejomar C. Binay bilang miyembro ng gabinete ni Pangulong Aquino.
Batay sa ipinadalang statement ng tanggapan ni VP Binay sa UNTV News, ngayong araw nagsumite ng kanyang irrevocable resignation ang pangalawang pangulo.
Ang anak nitong si Makati City Representative Abigail Binay ang nagdala ngayong hapon sa tanggapan ni Executive Secretary Paquito Ochoa ang resignation letter ng kanyang ama na naka-address sa chief executive.
Sinikap naming kunin ang personal na pahayag mula sa kampo ng mga Binay ngunit wala pang sumasagot sa aming mga tawag.
Samantala, sa text message ni USec. Abigail Valte, sinabi nitong kinukumpirma pa nila ang impormasyon. (UNTV News)