Tinanggap ni William Thio ang parangal mula sa Gawad Amerika para sa UNTV bilang Most Outstanding Internet, Cable and TV station .
CALIFORNIA, USA — Tumanggap ng parangal ang UNTV bilang Most Outstanding Internet, Cable and TV station sa 2015 Gawad Amerika awards, Sabado sa Celebrity Center, Hollywood, California.
Ayon sa mga Organizer ng Gawad Amerika, kinilala ng grupo ang UNTV dahil sa mga adbokasiya nito at public services gaya ng Tulong Muna Bago Balita sa pangunguna ni Mr. Public Service Kuya Daniel Razon.
Ang Gawad Amerika ay kilalang award-giving body sa Amerika na kumikilala sa mga individual at organisasyong nakagagawa ng katangi-tanging kontribusyon sa komunidad.
Maging ang ating kasangbahay na si William Thio ay tumanggap ng pagkilala bilang Most Promising Male News Personality.
Ang pagpaparangal kay Why News, Spotlight host William Thio sa 2015 Gawad Amerika (SALEN VERGARA / Photoville International)
Ayon naman kay Noli Saballa, asst. News Director ng UNTV North America, ang parangal na ibinigay ng Gawad America sa UNTV ay patunay lamang na ang adbokasiya ni Kuya Daniel na ang paggawa ng mabuti ay hindi magbubunga ng masama ay nakikita hanggang sa North America.
Ang mga public service ng UNTV ay naisasakatuparan sa pakikipagtulungan ng grupong Ang Dating Daan ni Bro. Eli Soriano o mas kilala bilang The Old Path sa Amerika na nabigyan na rin ng parangal ng Gawad Amerika noong 2010 bilang Most Informative Religious Program. (UNTV News)
The post UNTV, pinarangalan bilang Most Outstanding Internet, Cable and TV station sa 2015 Gawad Amerika sa Hollywood appeared first on UNTV News.