Ang buzzer-beater shot ni Captain Marbel Kenneth Duremdes na nagpapanalo sa Senate Defenders kontra PNP Responders. (Marlon Bonajos / Photoville International)
PASIG CITY, Philippines — Namangha ang mga manunuod ng UNTV Cup sa isang buzzer-beater shot na pinakawalan ni Senate Defenders playing coach Kenneth “captain marvel” Duremdes sa huling dalawang segundo ng laban upang talunin ang PNP Responders sa score na 72-71.
Dinomina ng Responders ang mga naunang round at nagawa pang tambakan ng mahigit 10 ang Defenders.
Ngunit pagpasok ng huling quarter, unti-unti ng nakadikit ang Senate Defenders at naitabla ang score sa 68 sa panamagitan ng free throw mula kay Duremdes mahigit tatlong minuto na lamang ang nalalabi.
Isang minuto at dalawampu’t pitong segundo sa game, nagawang lumamang ng Defenders sa Responders sa pamamagitan ng crucial shot mula kay Reynaldo Malaga Jr.
Dahil sa higpit ng depensa ng Senate, tinawagan ng 24 seconds violation ang PNP, huling isang minuto ng laban.
Ngunit nagawang agawan ng bola ng mga pulis ang Senate at naipasok ni Harold Sta. Cruz ang lay up, lamang ang PNP 71-70, anim na segundo na lamang ang nalalabi.
Nabigong maipasok ng Senate ang kanilang play ng tawagan ng foul si Harold Sta. Cruz ng PNP, huling dalawang segundo ng laban.
Ginamit ng Defenders ang kanilang huling time-out upang ikasa ang crucial play na pinakawalan ni Kenneth Duremdes.
Dahil dito tinanghal na Best Player of the Game si Duremdes na may 23 points, 5 rebounds at isang assist kasama si Reynaldo Malaga Jr. na may 15 points at 1 assist.
Pahayag ni Captain Marbel Kenneth Duremdes, “Napakasarap na panalo, coming from 10 points, 11, 12 points down, the team never give up… Of course, I miss that kind of shot, matagal ng hinahanap, a big shot. That was a set up screen set up by Senator Sonny (Angara), before the time out sabi nya tingin ka sa akin and I’ll give you a screen, and napaka-ganda ng screen. Salamat sa Dios at pumasok.”
Ani Malaga, “Kung sa match up lang talaga, kulang kami, mas marami sila sa amin, mas mahaba yung bench nila. So, yun tinayaga lang namin hanggang makadikit matapos. Tapos yun, naka-winning basket si Coach (Kenneth), Salamat sa Dios.”
Pasok na ang Senate Defenders sa 2nd round eliminations ng UNTV Cup Season 4. (RHEENA VILLAMOR / UNTV News)
Ang pagsasaya ng Team Senate Defenders matapos manalo sa PNP Responders. (RODEL LUMIARES / UNTV News)
The post Buzzer-beater shot ni Kenneth Duremdes, nagpanalo sa Senate Defenders vs PNP Responders appeared first on UNTV News.