Ang paglalapat ng UNTV News and Rescue Team-Bulacan sa isang motorcycle rider na naaksidente sa Guiguinto nitong Lunes ng umaga. (UNTV News)
BULACAN, Philippines — Nirespondehan ng UNTV News and Rescue team ang isang motorcycle rider na naaksidente sa Brgy. C5 Tabi sa bayan ng Guiginto alas-otso ng umaga, Lunes.
Ang maybahay ni Gerardo Lugay ang tumawag sa news and rescue team upang humingi ng tulong na mabigyan ng first aid ang kaniyang asawa.
Binigyan ng pang unang lunas ng grupo ang mga tinamong gasgas sa binti, tuhod at paa ni Mang Gerado.
Pagkatapos nito ay tumanggi na magpahatid sa ospital ang biktima.
“Naaksidente po siya sa motor, bumagsak po siya, pangalawang beses na niya po yang pagkakaaksidente sa motor, ngayon puro gasgas po yung kanyang mga paa niya, pati tuhod niya mga mga sugat, pati dibdib po niya, humingi po kami ng tulong sa UNTV pumunta naman po sila binigyang lunas ang asawa ko.”
Samantala, dalawang babae ang sugatan dahil sa vehicular accident sa Luzon Avenue, Ayala Center, Cebu pasado ala-singko ng madaling araw, Lunes.
Nagtamo ng posibleng bali sa kaliwang bahagi ng paa si Rochie Mae Sinoy, 25-year-old taga-Cabancalan, Mandaue City na binigyan ng pang-unang lunas ng UNTV News and Rescue Team.
Samantalang ang kasama nitong sugatan ay tinulungan ng Emergency Rescue Unit Foundation.
Matapos bigyan ng first aid ay inihatid na ng grupo ang mga biktima sa Perpetual Succor.
Samantala, wala namang tinamong pinsala ang driver ng SUV at ang apat pang pasahero.
Ayon sa mga biktima, bigla na lang bumukas ang hood ng kanilang sasakyan kaya bumangga sila sa poste.
Pahayag ng pasaherong si Kaycee Macatval, “Sa Ayala, nagpa-dagan mi unya naa bitaw bump sa road, so pag igo namo sa bump ni-open ang hood sa sakyanan so natabunan ang vision sa driver, wa na siya ka bantay instead na didto siya sa daan nga naay laing sakyanan nga maigo iya nalang gi liko sa gilid mao to nga naigo mi sa sidewalk.” (NESTOR TORRES / MARLHON ABIQUE / UNTV News)
The post Lalaking naaksidente sa motorsiklo sa Bulacan, tinulungan ng UNTV News and Rescue appeared first on UNTV News.