Ang paghahanda ng UNTV News and Rescue team upang mai-transfer si Antonette Cleo sa hospital matapos malapatan ng pangunang lunas ng UNTV News and Rescue Team.
QUEZON CITY, Philippines — Tinulungan ng UNTV News and Rescue team ang isang 19-anyos na babae na nasugatan matapos bumangga ang sinasakyan nitong motorsiklo sa nakaparadang kotse sa Shorthorn Street, Barangay Bahay Toro, alas nuebe kwarenta’y singko nitong Miyerkules ng gabi.
Kinilala ang biktima na si Antonette Cleo na residente sa naturang lugar.
Ayon sa kasintahan nitong si Jose Soriano nagpapractice sila ng pagmomotorsilko sa lugar ngunit pagbaba niya sa motorsiklo bigla namang umarangkada ito habang sakay pa ang kanyang kasintahan.
Sa halip na preno ay accelerator ng motor ang natapakan ng biktima at sa tulin ng takbo, hindi na nito naiwasan ang kotseng na naka-park lamang sa kabilang kanto at nabangga ito.
Nadatnan ng grupo ang biktima na nakahiga sa bangko na namimilipit pa sa sakit ng kanyang tinamong pinsala.
Nagtamo ng sugat sa kaliwang kamay ang babae at idinadaing din nito ang pananakit ng kanyan balikat.
Agad namang binigyan ng UNTV News and Rescue team ng paunang lunas ang pinsala ng biktima at pagkatapos ay isinugod siya sa Quezon City General Hospital. (REYNANTE PONTE / UNTV News)
The post Babaeng nasugatan matapos maaksidente sa motorsiklo, tinulungan ng UNTV News and Rescue appeared first on UNTV News.