Ang nasaksak ng screw driver na si Jayson Mansia habang nilalapatan ng first aid ng UNTV News and Rescue Team Pampanga.
PAMPANGA, Philippines — Nilipatan ng pangunang lunas ang lalakeng may iniindang sugat sa kaliwang bahagi ng kanyang leeg pasado alas dose ng madaling araw nitong Martes sa kahabaan ng McArthur Hi-Way sa Barangay Dau sa Mabalacat City, Pampanga.
Kinilala ang biktima na si Jayson Mansia, 23 years-old at nakatira sa Barangay Punong Maragul, Sitio Maligaya, Angeles City, Pampanga.
Nagtamo ito ng sugat sa kaliwang leeg matapos saksakin ng screw driver ng isang lalakeng naka-tambay sa naturang barangay.
Matapos malapatan ng first aid ay tumanggi na itong magpadala sa ospital.
Ayon sa biktima, habang nag-aabang ng jeep pauwi sa kanilang bahay kasama ang kaibigan ay bigla na lamang lumapit ang isang lalake at sinaksak ng screw driver si Jayson.
Hindi naman bumaon ang ginamit na pang-saksak sa biktima.
Nahuli ng mga nagrorondang pulis ang suspect habang nakikipagtalo sa biktima na si Jayson.
Ayon sa mga pulis na rumisponde sa insidente, kalalabas lamang ng kulungan ng suspect noong nakaraang taon dahil naman sa pananaksak sa Korean national sa naturang syudad.
Kasalukuyan ng nakakulong ang suspect sa Community-and-Police-Action-Committee o COMPAC Police Station, Mabalacat City, Pampanga.
Nagpaalala ang mga awtoridad sa mga kababayan natin na mag-ingat at magmasid ng maigi sa mga lugar na pupuntahan. (JOSHUA ANTONIO / UNTV News)
The post Lalaking sinaksak ng screw driver sa Mabalacat City, tinulungan ng UNTV News and Rescue appeared first on UNTV News.