Ang paglapat ng first aid ng UNTV News and Rescue Team Iloilo sa isang lalaking nabugbog.
ILOILO, Philippines — Isang lalaki ang nagtungo sa Jaro Police Station matapos na bugbugin ng dalawang lalaki sa Barangay Balantang, Jaro, Iloilo City alas-dos ng madaling araw nitong Miyerkules.
Kinilala ang biktima na si Hernan Jastia, 44 years old at residente ng naturang barangay.
Nilapatan ng paunang lunas ng UNTV News and Rescue Team ang sugat sa kanyang baba at pasa sa kanang mata.
Tumanggi nang magpahatid sa ospital si Jastia.
Ayon kay Jastia, pasado alas 10 ng mangyayari ang pambubugbog sa kanya ng dalawa kasamahan dahil sa hindi pagkakaunawaan habang nagkakasayahan.
Nais ni Jastia na sagutin ng mga bumugbog ang kanyang pagpapagamot.
Samantala, nirespondehan ng UNTV News and Rescue kasama ang first responder ng Manila Traffic and Parking Bureau ang banggaan ng isang kotse at Uber car sa Laong-Laan Street corner Maceda Street sa Maynila mag-a-alas tres naman ng madaling araw.
Sugatan ang pasahero ng Uber car na si Abegail Aguirre, 27 anyos at ang driver nito na si Rosbelito Margallo Jr., 41-anyos.
Inasikaso ng MTPB FRU si Abegail na nanginginig sa takot dahil sa naganap na banggaan.
Nilapatan naman ng UNTV News and Rescue Team ng paunang lunas ang driver na idinadaing ang pananakit ng batok.
Kapwa dinala sina Aguerre at Margallo sa UST Hospital. (UNTV News)
The post Lalaking nabugbog sa Jaro, Iloilo City, binigyan ng paunang lunas ng UNTV News and Rescue appeared first on UNTV News.