FILE PHOTO: PNP PIO Chief P/CSupt. Wilben Mayor (UNTV News)
QUEZON CITY, Philippines — Muling nanindigan ang pamunuan ng Philippine National Police na ang Special Action Force ang nakapatay sa Malaysian bomb expert na si Zulkifli Bin Hir alyas Marwan.
Kasunod ito ng pahayag ng isang alyas Richard na asset umano ng PNP at nagsabing ang aide ni Marwan ang bumaril nang malapitan at nakapatay kay Marwan noong January 25.
Ayon kay PNP Spokesman PCSupt. Wilben Mayor, nananatili ang posisyon ng PNP na ang SAF ang nakapatay kay Marwan base na rin sa mga nakalap nilang ebidensya.
Sinabi pa ni Mayor na hangga’t walang naipapakitang matibay na ebidensya ang nagpapakilalang police asset ay walang dahilan úpang pagdudahan ang nagawa ng SAF sa Oplan Exodus.
Ani PCSup’t. Wilben Mayor, “We are definite in our position di kami masu-sway sa ganung balita… let them present evidence if they want they are free to do that as long as wala silang maipakita matibay na ebidesya then we stand firm in our position. Again, in honor of our fallen heroes we stand firm in our position that SAF troopers killed Marwan.” (LEA YLAGAN / UNTV News)
The post PNP, nanindigang SAF ang pumatay kay Marwan appeared first on UNTV News.