Ang junket operator na si Kim Wong habang ipinapakita sa Senate hearing ang kopya ng screenshots ng CCTV footage ng pagdeliver ng laundered money. (Willie Sy / Photoville International)
MANILA, Philippines — Hawak na ng Department of Justice ang kopya ng records ng bank accounts mula sa Rizal Commercial Banking Corporation (RCBC) na ginamit sa laundering ng 81-million dollars na ninakaw sa Bangladesh Central Bank.
Inilakip ito ng Anti-Money Laundering Council (AMLC) bilang ebidensya sa dalawang kasong isinampa laban kay Maia Deguito, Kim Wong at Weikang Xu.
Hinihintay na lamang ng DOJ ang request mula sa Senate Blue Ribbon Committee ngunit dapat umanong malinaw sa request kung anong mga bank records ang kailangan at may kalakip na clearance mula sa AMLC kung anong records lamang ang dapat maibigay sa Senado.
Consolidated na ang mga kasong money laundering naisinampa ng AMLAC kina Deguito at nakatakdang simulan ng DOJ ang preliminary investigation sa April 12. (UNTV News)
The post Kopya ng bank records ng $81-million laundered money, hawak na ng DOJ appeared first on UNTV News.