Ang grupong JBK kasama ang composer ng “Pag-Ibig Ka, Oh Dios” na si LJ Manzano. (Madz Milana / Photoville International)
CALOOCAN CITY, Philippines — Dream come true para kina Josh, Bryan at Kim o mas kilala bilang JBK ang makapag-interpret bilang grupo sa A Song of Praise o ASOP Music Festival.
Lapat na lapat sa genre ng JBK ang awiting “Pag-Ibig Ka, Oh Dios” na nilikha ni LJ Manzano na taga-Davao City kaya’t tinanghal itong “Song of the Week” ngayong Linggo.
Pahayag ni Bryan Del Rosario ng JBK, “Thank you so much. First, as a group, it’s a dream come true for us. Kasi ilang beses na kaming in-interview dito. It’s a dream come true for us lalo na it’s song of praise. You know, we’re just humbled by the experience.”
“Sobrang ganda kasi nung melody nung song. Una pa lang, nung unang narinig natin,” pahayag naman ni Joshua.
“Actually, ‘yung demo sobrang ganda na eh kaya nga pwedeng… ‘yun na ‘yung sina-soundtrip namin sa bahay,” sambitla naman ni Kim Ordonio.
Hindi naman inaasahan ni LJ na mapipili ang kanyang obra ng mga huradong sina Dingdong Avanzado, Jaya at Doc Mon del Rosario.
“Of course, kasi magagaling din eh especially ‘yung number two. ‘Yung interpreter, ang galing… si Apple. Ang galing ng interpreter,” ani LJ Mansano, composer ng “Pag-Ibig Ka, Oh Dios”.
Tinalo ng naturang entry ang mga awiting “Salita Mo’y Aking Gabay at liwanag” na komposisyon ni Emy Zenny Cris Gabato na ininterpret ni Apple Delleva at “You Are Always There” ni Genio Dy na inawit naman ni Jan Nieto.
(ADJES CARREON / UNTV News)
The post “Pag-Ibig Ka, Oh Dios” na inawit ng all-male trio JBK, tinanghal na ASOP Song of the Week appeared first on UNTV News.