Philippine National Police photos: Mug shots of Benito Tiamzon and Wilma Tiamzon
MANILA, Philippines — Pinakakasuhan na ng Department of Justice (DOJ) ng illegal possession of firearms and explosives si Benito Tiamzon at asawa nitong si Wilma na hinihinalang lider ng CPP-NPA.
Sa resolusyong inilabas ng DOJ, sinabi nito na may sapat na basehan upang kasuhan sa korte ang mag-asawa matapos makumpiska sa sinakyan nitong Starex van at Toyota Innova ang limang mga baril at dalawang granada at sari-saring mga bala.
Pinakakasuhan din ng obstruction of justice ang limang nahuling kasamahan ng mag-asawa.
Nakatakdang isampa bukas, Biyernes sa korte sa Cebu ang mga kaso.
Samantala, mananatili naman sa kostudiya ng PNP sa Cramp Crame ang mag-asawang Tiamzon habang hinihintay ang utos ng korte kung saan ito ikukulong.
Una namang itinanggi ng abogado ng mag-asawa ang bintang at sinabing planted ang mga nakumpiskang baril at granada. (Roderic Mendoza / Ruth Navales, UNTV News)