Ang dispatcher na natagpuang nakabitin sa puno sa Calamba, Laguna. (UNTV News)
LAGUNA, Philippines — Nakatali ng straw ang mga kamay at paa ni Menecio Lamasa alyas Kalbo sa isang puno sa boundary ng Barangay Real at Barangay Turbina nang matagpuan alas 7 nitong umaga ng Miyerkules.
Hinala ng pulisya, sadyang binigti ang biktima at hindi ito nagpakamatay.
Ikinagulat naman ng mga nakakakilala dito sa sinapit ng biktima lalo na’t nakita pa nila umano itong palakad-lakad bago mangyari ang krimen.
Bukod sa pagiging dispatcher, nangangalakal din ang biktima sa lugar.
Sa ngayon ay patuloy ang isinasagawang imbestigasyon ng Calamba Police kung sino ang may kagagawan ng krimen. (UNTV News)