Armed Forces of the Philippines Western Command Handout Photo: USS Guardian grounded at Tubbataha Reef (FILE PHOTO)
MANILA, Philippines – Isinumite na ng Philippine Coast Guard (PCG) investigating team kay Rear Admiral Rodolfo Isorena ang resulta ng isinagawang imbestigasyon sa sumadsad na USS Guardian sa Tubbataha Reef sa Palawan.
Kabilang sa nilalaman nito ay ang rekomendasyon ng mga dapat gawin upang hindi na maulit ang katulad na insidente.
Hindi naman ibinigay ng investigating team na pinamumunuan ni Vice Commandant Rear Admiral Luis Tuason ang iba pang detalyeng nakapaloob sa nasabing report.
Nakatakda namang isumite ni Isorena kay DOTC Secretary Joseph Emilio Abaya ang resulta ng imbestigasyon upang ipasa naman kay Pangulong Aquino. (UNTV News)