Isang botanteng si Ariel Oropa Jovellar na kahawig ni People’s Champ Manny Pacquiao na bumoto sa isang Filipino store sa Dubai na ginawang polling precinct ngayong 2013 Senatorial Elections. Ito ang kaunaunahang eleksyon na ginanap sa labas ng Philippine Embassy at Consulate ang voting precinct upang mas ma-engganyo ang ating mga kababayan na bumoto. Ito ay ginanap sa 6 pang mga establisyimento na karaniwang pinupuntahan ng mga OFW dito sa UAE. (RYAN MENDOZA / Photoville International)
MANILA, Philippines – Kakaunti ang mga Pilipinong nakiisa sa Overseas Absentee Voting (OAV) na isinagawa sa iba’t ibang bansa.
Sa Ghana, Africa, nasa 30-porsiyento lamang ang bilang ng mga Overseas Filipino Workers (OFW) ang nakaboto ngayong eleksyon sa bansa.
Ayon sa Pakikipag-isa ng mga Pilipino sa Ghana (PILSAG) sa mahigit 200 registered voters sa Ghana ay nasa 30 botante lamang ang nakaboto.
Pangunahing dahilan umano ay ang pagka-delay ang mga balota na dapat sana’y naipadala ng mas maaga sa kani-kanilang tahanan upang umabot sa deadline.
Sa South Korea, sa kabila ng patuloy na tensyon sa Korean Peninsula, nakiisa pa rin ang mga Pinoy doon upang humabol sa huling araw ng botohan sa embahada.
Subalit ayon kay Consul Roderico Atienza, mababa pa rin ang bilang ng mga bumoto ngayong taon.
“Dito sa Korea marami naman pong bumoto kaya lang ang naging tendency in comparison sa pinakahuling eleksyon mas baba po ng konti kaysa nung huli.”
Sa Abu Dhabi, bagama’t marami rin ang nakiisa at humabol sa huling araw na botohan, mababa pa rin daw ito kumpara noong nakaraang taon.
Gayundin sa Japan, umaabot lamang sa mahigit isanglibo ang bilang ng nakaboto sa mga kababayang Pinoy sa Tokyo.
Ayon kay Manuel Lopez, Philippine Ambasador to Japan, nasa 11-libong Pinoy ang kasalukuyang naninirahan sa Japan.
“About 11K, maraming bumabalik sa amin na pinadadalhan ng COMELEC, bumabalik sa embassy kasi wala na dun yung mga pinadadalhan kaya medyo ang turn out dito its not as high as we will hopefully to be.” (UNTV News)
Ang pagboto ng ating mga kababayan sa Seoul, South Korea na ginanap sa Embahada ng Pilipinas sa naturang siyudad. (SIE MORANTE SUMAYOD / Photoville International)
Ang mga COMELEC BEI habang tinitingnan sa voters’ list ang mga OFW na boboto sa isang voting precinct sa Philippine supermarket, Deira, Dubai, UAE. (ARCHIE ORTIZ-CABUTOTAN / Photoville International)