FILE PHOTO: Actor Cory Monteith arrives at the ”Do Something Awards” in Santa Monica, California August 19, 2012.
Credit: Reuters/Gus Ruelas/Files
Estados Unidos – Natagpuang patay sa loob ng isang hotel sa Vancouver, Canada ang Hollywood actor na si Cory Monteith.
Siya ang gumanap sa karakter ni Finn Hudson sa sikat na television series na “Glee”.
Ayon sa pulisya, natagpuang patay ang 31 anyos na aktor noong Sabado, sa loob ng kanyang nire-rentahang kwarto.
Walang nakitang indikasyon ng foul play, at patuloy pang inaalam ang sanhi ng pagkamatay ng aktor.
Nabatid na nag-check in si Monteith sa hotel noong Hulyo 6 at nakatakda nang mag-checkout nang araw na matagpuan ang kanyang labi.
Samantala, nagpaabot na ng pakikiramay ang pamunuan ng programang ‘Glee’ sa naulilang pamilya ng aktor.
Nitong Abril, napaulat na pumasok sa isang rehabilitation facility si Monteith dahil sa substance addiction. (UNTV News)