FILE PHOTO: Si United States Secretary of State John F. Kerry habang sumasagot sa tanong ng media tungkol sa Affordable Care Act o ang Obamacare sa isang Press conference sa Hofstra University, New York noong Nobyembre ng taong 2012 sa US Presidential Debate. (AARON ROMERO / Photoville International / UNTV)
MANILA, Philippines — Nakatakdang bumisita si US Secretary of State John Kerry sa Pilipinas ngayong buwan ng Disyembre.
Bahagi ng pagbisita ni Kerry na patibayin ang commitment ng Amerika na tumulong sa rehabilitation at reconstruction sa mga lugar na sinalanta ng Bagyong Yolanda.
Nauna ng sinabi ni Kerry kay Department of Foreign Affairs Secretary Albert Del Rosario na patuloy na susuporta ang Estados Unidos sa muling pagbangon ng mga biktima ng bagyo.
Nag-donate na ng $60 million ang United States para sa mga biktima ni Yolanda.
Hindi natuloy ang pagbisita ni Kerry sa Pilipinas noong isang buwan dahil sa Bagyong Yolanda. (UNTV News)