Ang interpreter at composer ng tinanghal na ASOP Song of the Week na “You Came Into My Life” na sina Mau Marcelo at Francisco Trance Jr. (PRINCE MARQUEZ / Photoville International)
MANILA, Philippines – Itinanghal na ikalawang song of the week ngayong buwan ng Disyembre ang awiting “You Came Into My Life” sa A Song of Praise o ASOP Music Festival, Linggo ng gabi.
Ito ay komposisyon ni Francisco Trance Jr. na inawit naman ng kauna-unahang Philippine Idol winner na si Mau Marcelo.
“Nagpapasalamat po din ako lalo na kina Bro. Eli, kay Bro. Daniel, dahil sa kanila may ganitong klaseng event. Dahil din po sa kanila kaya medyo maayos po yung nagawa kong kanta,” saad ni Francisco.
“Sana grand finals na tayo. Na-overwhelmed ako kasi hindi naman talaga singer ang naglalaban dito kundi composer and yung lyrics na ginawa nila. Sobrang ganda ng song kung masasayang lang na hindi ulit mapakinggan,” pahayag naman ni Mau Marcelo. (Adjes Carreon / Ruth Navales, UNTV News)
(Left-Right) Ang mga naging hurado nitong Linggo para sa A Song of Praise Music Festival na sina Mon Del Rosario, Jacky Lou Blanco at Heber Bartolome. (FREDERICK ALVIOR / Photoville International)