Sa Lunes, January 20, gugunitain ng bansang Amerika ang Dr. Martin Luther King Jr. Day kung kaya’t sarado sa serbisyo ang US Embassy at ang mga kaugnay na tanggapan nito. FILE PHOTO. (U.S. Information Agency. Press and Publications Service)
MANILA, Philippines — Sarado sa publiko ang Embahada ng Estados Unidos sa Maynila sa January 20, araw ng Lunes.
Ito ay bilang pag-obserba sa Dr. Martin Luther King Jr. Day na isang official American holiday na ginaganap tuwing ikatlong Lunes ng Enero.
Si Luther King ay tinaguriang mukha ng non-violent activism sa karapatan ng mga mamamayan sa Amerika.
Bukod sa US Embassy, sarado rin ang mga affiliated office nito.
Muli namang magbabalik-operasyon ang embahada sa January 21, araw ng Martes. (UNTV News)