(L-R) Ang nanalong interpreter na si Gail Blanco at composer na si Ralph Lauren Refil, para sa awiting “Ikaw Ama ang Tangi Kong Minamahal” na tinanghal na Song for the month of January. (FREDERICK ALVIOR / Photoville International)
CALOOCAN, Philippines — Excited na muling umawit sa grand finals ng A Song of Praise o ASOP Music Festival Year 3 ang interpreter na si Gail Blanco matapos tanghalin bilang monthly winner ang awiting “Ikaw Ama ang Tangi Kong Minamahal”.
“Ang sarap ng feeling, for one, you get to also help the composer… Sabi ko, iba ‘yung pakiramdam when you’re in Araneta, performing your song,” ani Gail.
Ganito ang nadama ng power ballad diva na si Gail Blanco nang pumasok sa grand finals ang kanyang inawit na “Ikaw Ama ang Tangi kong Minamahal” sa A Song of Praise o ASOP Music Festival year 3.
Si Gail Blanco ang naging interpreter ng unang “Song of the Year” ng ASOP noong taong 2012 na may titulong “Purihin Mo ang Dios, Oh Pilipinas” ni Anton Estrella Jr. FILE PHOTO. (JEFFERSON AQUINO / Photoville International)
Ngayon naman sa awiting nilikha ni Ralph Lauren Refil, susubukan niyang muling ipanalo ang isang power ballad genre.
Pahayag ng composer na si Refil, “Talagang masayang-masaya po ako ngayon at napasali ako ngayon sa grand finals po. Finalist po ng A Song of Praise Music Festival at salamat po uli unang-una sa Dios at sa kanya po, kay Ma’am Gail.”
Nakatunggali ng nasabing awitan ang “Oh Dios, Kaybuti Mo” ni Rolando Dela Cruz na inawit ng rockstar vocalist na Joseph Aldana at “Ang Pag-Ibig Mo” ni Jaime Enriquez sa rendisyon naman ng R&B singer na si Bryan Olano.
Bago naman ini-announce ang winner, pinaunlakan muna ng panauhing hurado na si Tina Paner ang hiling ng studio audience na isang awit. (ADJES CARREON / UNTV News)
Ang mga naging hurado para sa ASOP monthly finals na sina Mon Del Rosario, Tina Paner at Ito Rapadas. (MARVIN PONGOS / Photoville International)