FILE PHOTO: MMDA traffic law enforcer (UNTV News)
MANILA, Philippines – Magpapatupad ng rigodon ang Metro Manila Development Authority (MMDA) sa kanilang mga traffic law enforcer na nakatalaga sa iba’t ibang kalye sa Metro Manila.
Ayon kay MMDA Chairman Francis Tolentino, layon nitong maiwasan ang anumang reklamo ng pangongotong at pagiging pamilyar ng mga traffic law enforcer sa kanilang lugar.
Maliban dito, isasailalim na rin ang may limandaang miyembro ng rescue team ng MMDA sa pag-aasikaso naman ng daloy ng trapiko partikular sa EDSA tuwing rush hour.
Layon nito na mapaghandaan ang pagbubukas ng klase sa susunod na linggo. (UNTV News)