Ang pagharap sa media ng Sochi Olympics participant na si Michael Martinez sa pagdating nito sa bansa nitong Linggo. (UNTV News)
MANILA, Philippines – Nakauwi na sa bansa ang figure skater na si Michael Christian Martinez mula sa kanyang paglahok sa Winter Olympics sa Sochi, Russia.
Dumating ang Filipino pride sa Ninoy Aquino International Airport (NAIA) Terminal 1 nitong Linggo suot ang jacket na may disenyo ng watawat ng Pilipinas.
Sa pagharap sa media, pinasalamatan ni Michael ang mga kababayang sumuporta sa kanya at sa ibinigay na hero’s welcome.
Una nang nakatanggap ng papuri mula sa international media si Michael matapos gumawa ng kasaysayan bilang kauna-unahang southeast Asian na nakapasok sa finals ng men’s figure skating sa Winter Olympics. (UNTV News)