Sa mas pinalakas na line-up ng DOJ Avengers ay aminadong nahirapan ang AFP Cavaliers sa pagkamit ng una nitong panalo sa season 2 ng UNTV Cup. (RODEL LUMIARES / Photoville International)
MANILA, Philippines — Sa ikalawang linggo ng eliminations sa UNTV Cup season-2 sa Ynares Sports Arena kahapon, nakuha ng Armed Forces of the Philippines (AFP) ang unang panalo nito mula sa opening game loss.
Tinapos ng AFP Cavaliers sa 9-point lead ang laro kontra DOJ Avengers, 93-84.
Naiatala nito ang pinakamalaking kalamangan na 20 points sa pagsasara ng third quarter sa score na 75 to 55.
Pinilit pang humabol ng re-enforced team na DOJ sa pamamagitan ng mga rookie player nito mula sa Bureau of Corrections (BuCor).
Tinanghal na player of the game ang point guard na si Air Force Sgt. Alvin Zuñiga na nagtala ng 19 points at 6 assists. (RUSSEL JULIO / Photoville International)
“Yung DOJ ha nagulat din kami dito kasi nakita naman natin yung rooster nila last year is not as ngayon na may height, may guard sila. may Reguera at Garrido,” pahayag ni Zuñiga.
Sa second game… nakuha ng Judiciary Magis ang solong leadership sa 2 wins – 0 loss record matapos talunin ang LGU Vanguards sa score na 94 to 78.
Ang scoring machine ng LGU na si Ervic Vijandre sa pagtangkang maka-score sa harapan ng Judiciary center Don Camaso. (MADZ MILANA / Photoville International)
Nahirapan ang scoring machines ng LGU.
Nababad sa court sina San Juan Vice Mayor Francis Zamora at Santolan Pasig Brgy. Kagawad Kiko Adriano.
Ngunit nakatikim pa ito ng 10 point lead dahil sa back-to-back outside shooting ni Barotac Viejo, Iloilo Mayor Niel Tupas III.
Sa kalagitnaan na ng third quarter, lumitaw ang celebrity player na si Ervic Vijandre ngunit 15 points na ang abante ng Magis. (MAIA GARCIANO / Photoville International)
Sinikap ni Vijandre na habulin ang score subalit namayani ang pagiging beterano sa hard court ng UNTV Cup season-1 champion.
Nag-iwan ng 23 points, 3 assists, and 2 blocks ang celebrity player na si John Hall upang maging bida ng laro.
“Mas malakas sila ngayon, last year kasi parang wala pa kaming chemistry. They even stronger now but we’re excited to get that win kasi last year we didn’t beat them,” saad ng Best Player of the Game na si John Hall. (RODEL LUMIARES / Photoville International)
At sa last game, pumutok ang mga bagong recruit ng Philhealth (Your Partner in Health) upang pataubin ang Team Philippine National Police sa score na 67-60.
Aminado ang PNP Responders na nabigla sa bagong composition ng Philhealth.
Bagama’t dinominahan ng mga pulis ang first half, nakabawi ang Philhealth hanggang sa last quarter. Sa last 2 minutes, kinapos na ang key players ng Responders. (JOY REYES / Photoville International)
Nag-cramps ang mga hita ng point guard na si SPO1 Julis Criste at grumaduate ang big man na si PO2 Jaymann Misola.
Dahil sa three-point-shot ni Felmar Jaboli, naidikit pa ng PNP sa 61 to 60 ang score.
Samantala hindi na napigilan ang Philhealth at tuluyang dinala ang koponan ng mga re-enforcement player nito.
“Sinabi kasi ni Coach na relax lang dahan-dahanin naming. Yung bola dapat nasa ilalim kasi advantage naming si Poch eh, so nagawa naming,” pahayag ng Player of the Game na si Ramil Rey Tagupa. (Pong Mercado / Ruth Navales, UNTV News)
Team PHILHEALTH jersey #33 Ramil Tagupa from Philhealth-Mindanao Region. (CHARLIE MIÑON / Photoville International)